كيف تكتب سيرة ذاتية باحتراف1 / Mr.Razin - How to write your CV professionally1 Nigeria

السي في وهو الشغل الشاغل للشباب وخصوصي حديثي التخرج كيف بعمل سي في منيح شو الأمور يلي لازم اكتبها وشو الأمور يلي مالازم اكتبها او مالها داعي. كيف اختار شكل السي في وكتير من الأسئلة والاستفسارات يلي بتجي لذهن الشباب وهنن عم بفكرو كيف ممكن يعملو سي في محترف وبروفيشنال. طيب خلينا بالاول نعرف شو هو السي في السي في هو عبارة عن هوية الشخص العملية. دائما اي واحد فينا بدو يقدم على وظيفة اول شي بيعملو بيعبي الطلب وبيبعت السي في للطرف الآخر. وهون بقى بيجي دور السي في في إقناع مسؤول التوظيف بأنو يقبل الشخص أو يرفضوا. لذلك تأثيرو جدا كبير يعني انت ممكن تكون شخص طموح وذكي وعندك افكار ومهارات ولكن خبرتك لسا بدها صقل شوي تقدم على وظيفة وتبعت سي في مالك مبين في نقاط قوتك بشكل منيح الشركة او مسؤول التوظيف مارح يقدر يحدد اذا كنت بالفعل شخص يستثمر فيه او لأ. والمشكلة انو انت رح تكون واحد من ضمن مئات او آلاف المتقدمين لذلك فرصة انو يتم الاتصال فيك او دعوتك لمقابلة في حال كان السي في تبعك مش قوي رح تكون ضعيفة لأنو اكيد من الصعب جدا على مسؤول التوظيف انو يتواصل مع جميييييع المتقدمين للوظيفة إذا كانت أعداد المتقدمين كبيرة. لذلك لازم السي في تبعك يكون قوي ومقنع لمسؤول التوظيف لحتى يقدر يوصلك لمرحلة المقابلة الشخصية أو مقابلة الهاتف. لذلك اذا كنت عم تبحث في الإنترنت عن: سيرة ذاتية احترافية سيرة ذاتية بالإنجليزي سيرة ذاتية بالوورد سيرة ذاتية جاهزة سيرة ذاتية بالعربية سيرة ذاتية لطالب جامعي سيرة ذاتية عن نفسي كيفية كتابة السيرة الذاتية السي في سيرة ذاتية جاهزة هاد الفيديو رح يساعدك لتوجد الحل يلي الطريقة المثالية لإنشاء سيرة ذاتية باحترافية. /watch/IHoMLabuixzuM طيب من شو بيتألف السي في انا رح احاول اذكر لك جميع النقاط يلي ممكن تكون بالسي في لكن مو شرط انو لازم تكون عندك عادي في حال بعض النقاط ماكانت موجودة عندك فيك ما تكتبها. 1- في البداية اول شي المحتوى التعريفي عنك او ال content وهي عبارة عن ملخص بسيط عن معلوماتك الشخصية يلي لازم يكون موجود بهاد القسم هو اسمك بالكامل ويكون بخط كبير وبمكان واضح متل مثلا بمنتصف الصفحة من بدايتها او جنب الصورة الشخصية وبعدها ايميلك لازم تحط الإيميل الشخصي ل الك ويكون ايميل باسمك يعني لا تحط ايميل باسماء مستعارة أو كلمات غريبة مثل الليدي او روز او الطائر الأسود ومن هدول الأسماء.   وبعدها بتكتب رقم هاتفك والرقم لازم يكون يلي عم تشتغل عليه ويفضل يكون موجود عليه وسائل التواصل مثل الواتس اب وغيره لحتى تسهل عملية الوصول اليك وبعدها تكتب عنوانك وهو مكان اقامتك الحالي آخر مكان انتقلت للإقامة فيه وفيك بعدها تضيف روابط حساباتك على الانترنت واهم واحد لينكد إن وممكن فيس بوك وتويتر او رابط لمدونتك او موقعك الخاص اذا كان عندك بالنسبة للمعلومات الشخصية الأخرى مثل العمر والحالة الاجتماعية فموضوع كتابتهم يعتبر نسبي ولازم انت تحدد إذا تكتبهم أو لأ مثلا انت عم تقدم على وظيفة معدل العمر المطلوب فيها بين 28 و 35 وانت عمرك مثلا 26 او الوظيفة يفضل الشخص يلي بدو يستلمها يكون اعزب وانت متزوج لكن انت عندك نظرة انو لو قعدت مع مسؤول التوظيف رح تقدر تخلي يغير رأيو ويقتنع بضرورة وجودك فلا تكتب هي المعلومات بينما لو شايف انو لأ بالعكس وجود هي المعلومات هي نقاط قوة ل الك لأنها مطابقة لمتطلبات الوظيفة ففيك تكتبها. 2- تاني شي وهو ال summary او الملخص عنك حاول يكون مختصر وكافي ووافي بتحكي في عن سنوات خبرتك نقاط قوتك بالمجال ارقام لإنجازات حققتها في هذا المجال. 3- ال Work experience وتجربة العمل الك . بتسجلها من الأحدث إلى الأقدم وكل تجربة عمل بتكتب فيها اسم الشركة من ايمت ل ايمت كنت عم تشتغل فيها شو المنصب يلي كنت شغال فيه وشرح بسيط لمهامك يلي كنت موكل فيها واذا في نتائج وأرقام حققتها مع الشركة في منصبك هذا اذكرها. 4- التعليم شو مستوى التعليم يلي واصلوا ليسانس ماستر دكتوراه نفس مبدأ تجربة العمل بتكتب من الأحدث إلى الأقدم يعني اذا عندك ماستر فأول شي بكون الماستر وتحتها الليسانس وتكب أول الشي التخصص تبعك بالكامل تحتو اسم الجامعة ومن أي سنة لأي سنة كنت عم تدرس هي المرحلة واذا في شي نقاط قوة الك في هالموضوع ممكن تذكرها كملخص بسيط متل مثلا معدل عالي حصلت تخرجت من ضمن اول ع عالفرع او أي انجاز عملتو خلال مرحلة دراستك 5- المهارات بهاد المكان فيك تضيف كل المهارات يلي بتشوف حالك بتتمتع فيها وطبعا المفروض يكون في جزء من مهاراتك متعلق بمجال عملك متل مثلا مهارة العمل على برنامج اوتوكاد وال3d للمهندسين وبرامج المحاسبة للمحاسبين وفيك كمان تضيف باقي المهارات يلي تتمتع فيها ولو ماكانت ذات صلة بالعمل لكن انتبه المهارات لازم تكون عملية وعلمية وبروفيشنال يعني ماتكتب عندي مهارة احبس نفسي تحت الماء ربع ساعة. بالنسبة لمهارة اللغات حاول تذكر كل اللغات يلي بتعرفها مع ذكر مستوى الإتقان للغة عندك بشكل متوسط ولو مجال عملك بركز على قسم معين في اللغة مثل المحادثة او الكتابة حاول تفصل مستوى الإتقان عندك للغة بالنسبة للتحدث والاستماع والقراءة والكتابة. رابط صفحة الفيس بوك https://www.facebook.com/mr.razin02 رابط حساب الإنستغرام https://www.instagram.com/mr.razin01/ #Mr_Razin

Category