الفلافل الرائعة مع خبز الصاج Nigeria

طريقة مميزة وسهلة لعمل الفلافل بالمنزل المقادير: 650 غ فول مجروش مقشور 350 غ حمص بصلة واحدة وسط 1 ملعقة كبيرة كزبرة يابسة 1 ملعقة كبيرة ثوم فريش 1 ملعقة كبيرة ثوم بودرة 1 ملعقة كبيرة ونصف كمون 1 ملعقة كبيرة مسح كربونة 1 ملعقة كبيرة ملح 1 ملعقة صغيرة فلفل ابيض نصائح لنجاح وصفة الفلافل - الفلافل مايغب زيت لازم الزيت يكون حامي منيح وبعد اول وجه منخفض شوي . وكمان وقت منشكل القرص بالقالب نعمله كبسة خفيفة واهم شي تكون العجينة متوازنة ماتكون كتير رخوة ومانها قاسية كمان واذا بدنا نقلي كميه كبيرة نضيف ماء للكمية العجين يلي بدنا نشتغل فيها لوجه او وجهين قلي . 2- مايفرط...السبب غالبا بيكون انه العجين رخوة .. او خشنة بالطحن او مكترين كربونات. وكمان الزيت بارد. ومهم جدا مانقلب الفلافل لحتى يتماسك لانه اي تماس معه قبل التماسك بيفرط 3- اللون الذهبي ... الفلافل الاورجنال مافيها بصل اخضر او كرات او بقدونس او كزبرة خضرة لانها بعد فترة من القلي بيعملوا لون غامق للقرص او سواد مع انه اطيب معهم بس مع الوقت يعني للخفلات او المحلات مابينحطوا .. وكمان الكمون والفلفل الاسود . واذا حطينا كربونات وتركناهم لاكتر من ساعتين بيسود القرص. واذا الزيت محروق ومقلي فيه كتير . واذا الزيت حامي كتير كتير كمان بيسود القرص. يلي عنده حفله يحط كزبرة ناشفة وتوم بودر او عادي وفلفل ابيض وزنجبيل بودرة . 4-القرشة ... القرشة بتجي من توازن العجينة بين الماء والكربونات وكمان مايكون الطحن كتير ناعم. والزيت حامي في البداية وبعدين لدرجة 80% الطعمة ... اذا كمية بدنا ناكلها فورا بدها ثوم فرش وكزبرة خضرة وبصل يابس او كرات اضافة للكزبرة الناشفة وشوية كمون وفلفل ابيض او اسود ورشة باربيكو . وزنجبيل . بس رح يتم رخو من جوا والافضل نخفف النار لحد70%ليستوى من جوا . ملاحظة : لسهوله القلي وفحص رطوبة العجينة لازم القرص ينزلق لوحده وبسهولة في المقلي من دون هز القالب والا يحتاج شوية ماء ولفحص حرارة الزيت نجرب بكرة صغير او قرص لازم يفوش على وجه الزيت بعد ثواني . ومافي داعي كل شوي نغمس القالب بالماء خاصة منشان مايطرش الزيت لبرا . كمان لازم يكون الزيت غزير اقل شي 10سم واذا نقص مع القلي نزيدو ان شاء الله مايكون نسيت شي.

Category