فطاير سبانخ على طريقتنا و بعجينه هشه وسر لون ذهبي للفطاير من غير ماندهن وجه الفطاير بيض Spinach pie Nigeria

الطريقه ... عجينة العشر دقائق ... بصحن غميق بنحط كاستين مي ..معلقتين كبار خميره ..معلقتين كبار سكر ..كاستين طحين ..بنحركهم مع بعض منيح وبنتركهم عشر دقائق حتى تخمر العجينه وبنحط فوقيهم تلات كاسات طحين ...نص كاس زيت ..تلات ملاعق كبار حليب بودره ورشة ملح وبنعجنهم منيح وبنتركها ترتاح ساعه ... سبانخ .. بنظف سبانخ وبنغسلو بالمي والخل وبنصفي من المي .. وبنقطعه ..بنحط عليه بصله مفروم ..معلقتين كبار دبس رمان ..معلقتين كبار عصير ليمون ..ملح ..معلقتين كبار سماق .. كميات حسب كمية سبانخ .. بنقلب مكونات مع بعض وبنحط سبانخ بمصفايه حتى تنزل ميتها تقريبا ساعتين .. تشكيل .. لازم سبانخ تكون مصفيه من المي .. وبندهن وجه سبانخ بزيت زيتون حتى ناخد لون ذهبي حلو وبندخل صنيه فرن على درجة حراره ٢٠٠ والف صحه وهنا يارب حسابي على انستغرام . https://instagram.com/ymiii2/ بتنوروني 💕💕 https://www.facebook.com/Ymiii2/ رابط مجموعتنا ..⁦♥️⁩ https://m.facebook.com/groups/249018798847157

Category